Ga naar de inhoud

Ben jij al Donor? Ja - Nee

Afbeelding voor tijelijke vulling

Papiamentu

Bio van Peter Kraal. Peter is 36, woont in Utrecht, komt uit Curacao, is radioloog in opleiding en is orgaandonor.

Dikon bo ta dunadó di órgano?

‘Mi ta kòrda bon ainda ku nos a risibí un karta na kas ku e pregunta si bo ke bira dunadó di órgano. E ora ei mi a papia ampliamente ku mi famia tokante esei i mi a disidí di registrá. Durante mi esudio kaba i awor den mi trabou tambe mi ta bin den kontaktu ku donashon di órgano i transplante. Ultimamente mi tabatin un pashènt, un mucha hòmber antiano ku ta sufri di un enfermedat di nir, ku finalmente a risibí un nir di su mama. Mi a mira kon e mucha hòmber, ku promé tabata pasa dianan dialisando a bona. Kon su kalidat di bida a mehorá. Esei a tokami hopi i solamente a konfirmá ku mi a hasi un bon eskoho dor di bira dunadó di órgano.’

Kon antianonan ta pensa generalmente tokante donashon di órgano?

‘Mi ta kere ku esaki ta algu ku mayoria antiano no ta okupá su mes kuné. Na Kòrsou, for di unda mi ta bini, transplante por ehèmpel no ta tuma lugá. Pues e hendenan no ta mashá na altura di esaki. Ta trata di un idea desagradabel i tambe mi ta pensa ku di tur manera nan ta preferá di no pensa riba morto.’

Dikon tur hende lo mester bira dunadó di órgano segun bo?

‘No ta tur hende nesesariamente mester bira dunadó di órgano. Pero mi ta haña sí ku ta importante pa hendenan pensa riba esaki, profundisá mas den esaki i despues konsientemente hasi un eskoho. Bo ta kapas pa salba bida di un òf hasta mas persona. Bo por duna hendenan ku ta den un situashon sin perspektiva speransa riba un bida nobo atrobe. Esaki ta un regalu asina bunita.’

Antianonan tokante donashon di órgano*

  • 68% di e komunidat antiano** na Hulanda ta di opinion ku si bo ta biba na Hulanda bo mester pensa riba donashon di órgano i registrá bo desishon den e registro di donashon di órgano (donorregister)
  • 86% di antianonan na Hulanda ta pensa ku mayoria hende for di nan propio komunidat preferiblemente no ke ta dunadó di órgano.
  • Salbashon di bida di otro hende pa mayoria inmigrante ku a kaba di yega Hulanda ta e motibu prinsipal pa bira dunadó di órgano.
  • Antianonan mas frekuentemente ku otro inmigrantenan ku a kaba di yega Hulanda ta haña ku si bo ke risibí órgano, bo tambe mester ta dispuesto pa duna órgano.
  • Mayoria inmigrante ku a kaba di yega Hulanda no sa ku si bo bin biba na Hulanda, bo por registrá mesora den e registro di donashon di órgano. Banda di esei ainda tin hopi malkomprendementu mas ta reina tokante donashon di órgano bou di inmigrantenan ku a kaba di yega Hulanda.

*Fuente: Investigashon ‘Allochtone groepen over donorregistratie’, TNS NIPO/Veldkamp, novèmber 2010. Un investigashon bou di 500 inmigrante ku a kaba di yega Hulanda for di Estados Unidos, Canada, Gran Bretaña, Alemania, Polonia, Antia Hulandes i Sürnam.
** Bou di ‘antiano’ nos ta komprendé tur inmigrante ku ta bini di antiguo Antia Hulandes i Aruba.

Pa mas informashon

  • Kon donashon di órgano ta funshoná eksaktamente? Wak e pelíkula kòrtiku aki.
  • Mas informashon tokante registrashon i e formulario di donashon bo ta haña aki.
  • Bo ke registrá? Bai direktamente na e Donorregister

Bo ta pensando ahinda tokante registrashon? Wak e pelíkulanan kòrtiku aki bou anto i skucha kiko otronan ta bisa tokante donashon di órgano:

Naar video in het TurksNaar video in het PoolsNaar video in het ChineesNaar video in het ArabischNaar video in het DuitsNaar video in het Engels